مجید
سن ياريمين قاصيدي ســـن
ايلش سنه چاي دئمـــــــيشم
خيالينـــــــي گؤندريـــــب دي
بس كي من آخ واي دئميشم
آخ گئجه لر ياتماميشــــــام
من سنه لاي ـ لاي دئميشم
سن ياتالي من گؤزومــــه
اولدوزلاري ساي دئميشـم
هركس سنه اولدوز دئيـــه
اؤزوم سنه آي دئــــــميشم
سندن سونرا حيــــــاته من
شيرين ديسه زاي دئميشـم
هر گؤزلدن بير گول آليــب
سن گؤزله پاي دئميشــــــم
سنين گون تك باتمــاغيني
آي باتانا تـــــاي دئمــــــيشم
ايندي يايـــا قـــيش دئييــــرم
سابيق قيشــا ياي دئمــــيشم
گاه تويونو يـــــاده ســـــاليب
من دلي نــاي ـ نــاي دئميشم
سونـرا يئنه ياســــــــه باتيب
آغلاري هاي ـ هاي دئمـيشم
اتك دولـــــو دريــــا كيمــــي
گؤز ياشيما ، چاي دئمـــيشم
عؤمره سورن من قارا گون
آخ دئميشم ، واي دئميشم
قدرت گرفته توسط شِیرترانیکس
فارسی